Cənubi Afrika Respublikasından Rusiyaya səfər edən iki nəfərdə koronavirusun "omikron" ştamı aşkarlanıb.

Aztibb.az-ın məlumatına görə, bu barədə Rusiyanın sanitariya-epidemiologiya qurumunun (Rospotrebnadzor) mətbuat xidmətindən bildiriblər.

Məlumatda qeyd olunur ki, həmin şəxslərdə koronavirus testi müsbət nəticə verdikdən sonra aparılan yoxlamalar yoluxmanın "omikron" ştamı ilə olduğunu müəyyən edib.

Ümumilikdə, Rusiyaya CAR-dan gələn 10 nəfərdə koronvirus testi müsbət nəticələnib. Hazırda bu yoluxmaların ştamlarının müəyyənləşdirilməsi aparılır.

Xatırladaq ki, bu gün, həmçinin Latviyada da "omikron" ştamının aşkar olunduğu açıqlanmışdı.