Aztibb.az xəbər verir ki, tanınmış reabilitoloq, fizioterapevt, idman zədələri üzrə mütəxəssis, osteopat Pərvin Əkbərov bu barədə tövsiyələrini paylaşıb.

 

- Tütün məmulatlarından uzaq durun. Siqaret qan damarlarınızı və qan dövranınıza mənfi təsir göstərir. Onurğadakı disklərin sağlamığını qorumaq üçün qan dövranı çox önəmlidir.

 

- Artıq çəkiniz varsa, mütləq ondan qurtulun. Çünki onurğanız artıq yüklənməyə məruz qalır.

 

- Oturaq iş şəraitində çalışırsınızsa, erqonomik və dik şəkildə oturmağınıza fikir verin. Bel nahiyyənizə dəstək üçün yastıq və ya erqonomik kreslolardan istifadə etmək məsləhət görülür.

 

- İdmançısınız və ya işiniz idmanla əlaqəlidirsə, ağırlıq qaldırma qaydalarına əməl edin. Ani və beldən əyilərək qaldırmalar etməyin. Böyük yüklər qaldırmamağa çalışın.

 

- Bədənimizin təxminən 60%-i sudan ibarətdir. Disklərimizin içində də maye vardır. Gün ərzində bol su içmək tövsiyə olunur.

 

- Düzgün qidalanma, zülal, karbohidrat, lifli qidalar, vitamin və mineralların qəbulu onurğanın sağlamlığına müsbət təsir göstərən faktorlardır.

 

- Son olaraq, əlbəttə ki, bel ətrafındakı əzələlərin gücləndirilməsi çox önəmlidir. Hər gün 15 dəqiqə bel əzələlərini gücləndirmək üçün hərəkətlər etmək tövsiyə olunur.