Aztibb.az xəbər verir ki, həkim-fitoterapevt Fizuli Hüseynov biyan bitkisinin faydalarından bəhs edib.

 

O, bildirib ki, müalicə məqsədilə biyanın köklərindən istifadə olunur.  Biyan köklərində təbii saponinlər vardır, saponinlər hormonal təsir göstərərək insanın halını bir an içində dəyişir, halsızlığı aradan götürür, insana gümrahlıq gətirir. Biyan köklərində daha bir qiymətli maddə - qliçirizin vardır ki, o, öskürək əleyhinə əvəzolunmaz bir maddədir. Biyan çayı sinəni yumşaldır, bəlğəmi təmizləyir, səs tutulmasında, bronxitdə, göy öskürəkdə, astmada, səs tutulmasında (inaqolmada) əla nəticə verir. Biyan kökü dəmləməsi hətta ağız yaralarında, anginalarda və faringitdə də çox yaxşı nəticə verir. Biyan kökü dəmləməsi mədə qıcqırmalarında yaxşı təsir göstərir, biyan çayının 1 stəkan acqarına içilməsi qıcqırmanı dayandırır, mədə və bağırsaq yaralarında (qastrit, kolit) faydalıdır:

 

"2 xörək qaşığı biyan kökünü 1 stəkan suda 10 dəq qaynadıb 20 dəqiqəlik dəmə qoyun, qatı gel alınacaq. Bu geldən ekzema və psoriaz (dəmrov) olan hissələrə gündə 2 dəfə vurmaq effektiv nəticələr verir. Ümumiyyətlə, biyan çayının içilməsidə sağalmaz dəri yaraları üçün faydalıdır. Biyan çayı böyrəkləri duz və qumlardan təmizləyir, böyrəküstü vəzidən qaynaqlanan yüksək qan təzyiqində çox faydalıdır, biyan çayı qaraciyər və dalaq üçün də faydalıdır. Biyan çayının faydası çox olsa da, bu bitkini 20 gün içəndən sonra, yaxşı olar ki, 10-15 gün fasilə verilsin. Biyan kökü gündə 3 dəfə 1 çay qaşığı 1 stəkan suda 5 dəq zəif odda qaynadılır, 10 dəqiqə dəmlənilir, yeməkdən 30 dəqiqə əvvəl içilir.

 

Biyan çayı çox şirin olduğundan suyun miqdarını 2 stəkanda etmək olar. Məsələn, 1 çay qaşığı biyan 2 stəkan suda dəmlənərək içilir. Biyan çayına nanə yarpağı və ya limon sıxıb içmək olar".