Hialuron turşusu dərinin gözəl və elastik qalmasına kömək edən əsl gənclik eliksiridir. O, dərinin gəncliyini qoruyan ən vacib maddələrdən biridir. Bu faydalı element tez-tez kosmetikanın tərkibinə daxil edilir.

Bu barədə Aztibb.az-a Nika Estetik Klinikasının rəhbəri, həkim-dermatoloq, kosmetoloq Nigar Əhmədova məlumat verib. 

N.Əhmədovanın sözlərinə görə, bu maddə epidermisdən nəmin çıxarılmasına mane olur.

"Dəridə hialuron turşusu çatışmazlığı varsa, o, quruyur və qırışır. Hialuron turşusu kollagen hüceyrələrinin istehsalını stimullaşdırır, bunun nəticəsində regenerasiya prosesləri əhəmiyyətli dərəcədə sürətlənir", - deyə dermatoloq qeyd edib.