Britaniya diyetoloqu Maykl Moslinin sözlərinə görə, desert kimi tünd şokolada üstünlük verilərsə, bu, arıqlamağa kömək edə bilər.

Aztibb.az medikforum.ru-ya istinadla xəbər verir ki, diyetoloq müsahibəsində arıqlamaq məqsədilə tünd şokoladdan istifadə üsullarından danışıb. M.Mosli qeyd edib ki, tez-tez arıqlamağa çalışan insanlar şirniyyat qarşısında aciz qalırlar. Həkim ev şəraitində bu problemin öhdəsindən gəlməyə dair məsləhətlər verib.

Ekspert bildirib ki, zərərli məhsullar əlçatan olmamalıdır. M.Mosli evdə heç bir şirniyyat və deserti saxlamamağı tövsiyə edib. Bunların əvəzinə tünd şokolada üstünlük vermək daha faydalıdır.

"Evdə tərkibində ən azı 75 faiz kakao olan tünd şokolad saxlamağı məsləhət görürəm. Daha yağlı və zərərli desertlərin əvəzinə kiçik porsiyalarda tünd şokolad yeyin ", - deyə ekspert vurğulayıb.

Diyetoloq əlavə edib ki, tünd şokolad çox yeməməyə kömək edir.