Həkim Kamil Baxtiyarov 40 yaşdan sonra sağlam hamiləlik üçün görülməli tədbirləri açıqlayıb.

Aztibb.az-ın medikforum.ru-ya istinadən məlumatına görə, mütəxəssis bildirib ki, yaş hamilə qalmaq üçün maneə deyil. Onun uğurlu keçməsi gələcək valideynlərin sağlamlıq vəziyyətindən asılıdır. Bunun üçün sağlam həyat tərzi sürmək, artıq mövcud olan xəstəlikləri müalicə etmək və həkimin tövsiyələrini yerinə yetirmək kifayətdir. Orqanizmdə yoluxucu və iltihabi prosesləri sağaltmaq xüsusilə əhəmiyyətlidir.

Həmçinin, ekspertin sözlərinə görə, hamiləliyin planlaşdırılması mərhələsində qadın müayinədən keçməli və bir neçə həkimin - terapevt, sahə mütəxəssisləri (xəstəliklər olduğu halda), ginekoloqun tövsiyəsi ilə analizlər verməlidir. Ata namizədi isə androloqun qəbulunda olmalıdır.