Aztibb.az xəbər verir ki, bu barədə nefroloq Barat Yusubov məlumat verib. 

 

"Dializ xəstəsi olan bir universitet professorunun və ya bir iş adamının işinə qayıtması ixtisaslı işçiyə görə daha asandır. Daha çox qadınların, xüsusilə də ev işlərinə qayıdacaq evli xanımların vəziyyəti bu baxımdan kişilərlə müqayisədə daha yaxşıdır. Dializ alan kişilər işlərinə qayıda bilmədikdə, psixoloji baxımdan bunu çox ağır qəbul edirlər. Şəxsin əvvəlki işindən olan məmnuniyyəti də çox vacibdir. İşindən razı olmayan şəxslər dializə başladıqları vaxtdan işlərindən çıxırlar", - deyə həkim bildirib. 

 

B.Yusubovun sözlərinə görə, işini sevən mütəxəssis kişi, öz işindən uzaqlaşdığı üçün depressiya ilə də qarşılaşa bilər. Dializ xəstələri, aldıqları müalicədən dolayı işlərindən ayrıla bilər və ya yarım iş günü rejimində işlərinə davam edə bilərlər: "Hər iki halda pasiyentin həm ruh, həm də fiziki sağlamlığı üçün o, həkimi ilə məsləhətləşib gündəlik fiziki aktiv olmalı, xüsusi idman məşqləri etməlidir".