Yemişin tumları xalq təbabətində müalicəvi vasitə kimi çox geniş istifadə olunur.

- Yemiş tumları qədim zamanlardan güclü afrodiziak kimi tanınır. Afrodiziak cinsi aktivliyi və həvəsi stimullaşdıran və artıran maddədir. Məhz bu səbəbdən yemiş tumları kişilərdə potensiyanın zəifələməsi, prostat vəzi xəstəlikəri zamanı istifadə olunur.

Bu məqsədlə yemişin tumlarını qurutmaq, üyütmək (qabıqları təmizləmək lazım deyil) və gün ərzində 1 çay qaşığı olmaqla yeməkdən 1 saat sonra qəbul etmək lazımdır. Yemişin tumları sinklə zəngindir. Sink kişi cinsiyyət sisteminin normal fəaliyyəti üçün əvəzolunmaz mineral hesab olunur.

- Yemiş tumları öskürək (hətta xroniki öskürək), bronxit zamanı da çox yaxşı müalicəvi təsir göstərir, bəlğəmi çıxardır, iltihabəleyhinə təsir edir. Öskürəklə mübarizə etmək üçün yemiş tumlarından "süd" hazırlamaq lazımdır. Yemişin tumlarını qurudub, qəhvə üyüdən maşında üyütmək və 1 xörək qaşığı götürüb 1 stəkan ilıq suda həll etmək lazımdır. Alınmış "süd" gün ərzində 3 dəfə olmaqla yeməkdən əvvəl qəbul olunmalıdır.

- Bu "süd" həmçinin dəriyə çox gözəl cavanlaşdırıcı təsir edir - kiçik qırışları açır, dərinin rəngini yaxşılaşdırır, dərini daha yumşaq və elastik edir. "Süd"də pambıq parçanı isladın və təmiz üz və boyun dərisinə qoyub 20 dəqiqə saxlayın. Bu sadə proseduru həftədə 2-3 dəfə etmək olar.

- Yemiş tumları bağırsaqları və qara ciyəri yaxşı təmizləyir. Bunun üçün yemişin tumlarını quruduruq, üyüdürük və alınan "un"u gün ərzində 3 dəfə olmaqla yeməkdən 1 saat sonra qəbul edirik.

- Yemişin tumları sidikqovucu təsirə malikdir, sidik yollarını təmizləyir.

- Öd kisəsinin fəaliyyətini yaxşılaşdırır, durğunluğu aradan qaldırır.

- Yemişin tumları qurdqovucu təsirə malikdir. Bu, uşaqlar üçün xüsusilə aktualdır.