Pəhrizlər iti görməni saxlamağa və görmə qabiliyyətinin zəifləməsinə səbəb olan ciddi xəstəliklərin inkişafı riskini azaltmağa kömək edə bilər.

"Fight For Sight" təşkilatının məlumatına görə, 78 faiz insan bildirib ki, onların itirməkdən ən çox qorxduğu görmədir. Görməni qorumaq üçün, siz mütəmadi olaraq görməni yoxlatdırmalı, siqaret çəkməyi dayandırmalı və sağlam pəhrizə riayət etməlisiniz.

Aztibb.az medikforum.ru-ya istinadla xəbər verir ki, rasiona bu altı məhsulu əlavə etməklə gözlərinizin sağlamlığını yaxşılaşdıra bilərsiniz.

1 - Balıq

Balıq Omeqa-3 yağ turşuları ilə zəngindir. O, torlu qişanın sağlamlığını qorumağa və görməni yaxşılaşdırmağa kömək edə bilər.

Bəzi tədqiqatlar göstərib ki, balığın müntəzəm porsiyalı pəhrizi sarı ləkə degenerasiyası və ya qlaukoma kimi vəziyyətlərin qarşısını ala bilər.

2 - Yumurta

Yumurta sarısı yaxşı görməni dəstəkləmək üçün vitaminlərlə zəngindir. Yumurta sarısı gözlər üçün faydalı aşağıdakı qidalı maddələri özündə ehtiva edir:

Vitamin A
Lütein
Zeaksantin
Sink

3 - Kök

Kök gözlərin sağlamlığını qoruyub saxlamağa kömək edir. Onun tərkibində çox miqdarda A vitamini və beta-karotin mövcuddur.

4 - Badam

Badamda olan çox miqdarda E vitamini görməni yaxşılaşdıra və katarakta riskini azalda bilər.

5 - Kale

Bu kələm növü lütein və zeaksantin daxil olmaqla, bir çox antioksidantlarla zəngindir, gözlərin katarakta və sarı ləkənin degenerasiyası kimi ciddi xəstəliklərinin inkişafının riskini azaltmağa kömək edə bilər.

6 - Portağal 

Vitamin C-nin funksiyalarından biri gözlərdəki qan damarların sağlamlığını dəstəkləməkdir.