Aztibb.az xəbər verir ki, bu sözləri 20 nömrəli uşaq poliklinikasının həkim-nevropatoloqu Humay Sədrəddinova deyib.

 

 

Həkim bildirib ki, əvvəlcə panika ilə hərəkət etməməliyik, əksinə, sakit və şüurlu şəkildə xəstəliyə qarşı tədbir görməliyik. Gündəlik gigiyenaya diqqət etməli, gün ərzində əllərimizi tez-tez yumalıyıq:

 

"İnsanların sıx olduğu mühitlərdə yaxın təmasdan qaçmalı və epidemiya riski yox olana qədər salamlaşarkən əl sıxmamağa diqqət etməliyik.

Əgər övladınız varsa, virus ilə bağlı onu maarifləndirməlisiniz.

 

Xəstəliklə bağlı insanların sosial şəbəkələrdə yazılan şərhlərinə aldanmamalı, mövzu ilə bağlı ekspertlərin açıqlamalarını nəzərə almalıyıq. Əks halda sosial mediada yayılan saxta xəbərlərə görə narahatlığın səviyyəsi artacaq. Eyni şəkildə, xəstəlik haqqında mənfi söhbətlər narahatlıqlara səbəb ola bilər.

 

Əgər düşdüyünüz vəziyyətin psixoloji təsirlərini aşa bilməyəcəyinizi düşünürsünüzsə, bir mütəxəssisdən psixoloji dəstək almağa laqeyd yanaşmayın".