Çinin Tianjin Tibb Universitetinin alimləri qəhvə və ya çay içməyin insult və demensiya riskini azaltdığı qənaətinə gəliblər.

Aztibb.az lenta.ru-ya istinadən xəbər verir ki, araşdırmalar nəticəsində bioloqlar qəhvənin beyin funksiyası üçün faydalarını aşkar ediblər. Onlar 365 682 nəfərin məlumatlarını analiz ediblər. Alimlər 2006-2010-cu illərdə eksperimentdə iştirak etmək istəyənləri seçiblər. Könüllülərin məlumatları 2020-ci ilə qədər qeydə alınıb.

Məlumatların təhlilindən sonra alimlər belə qənaətə gəliblər ki, gündə iki-üç stəkan qəhvə və ya üç-beş stəkan çay içən (və ya hər ikisi gündə altı stəkana qədər içən) insanlarda insult və demensiya riski daha az olur. Onlarda insult riski 32 %, demensiya riski isə 28 faiz az olub.