Jenşen ümumimöhkəmləndirici təsirə malikdir. Bu səbəbdən bitki immuniteti möhkəmləndirən bir çox preparatların tərkibinə daxildir. Jenşen orqanizmin müxtəlif infeksiyalara qarşı davamlılığını artırır, sağalmanı tezləşdirir.

Aztibb.az tibbi mənbələrə istinadla xəbər verir ki, bu bitki insanın mərkəzi sinir sisteminə çox müsbət təsir edir - yaddaşı möhkəmləndirir, yuxusuzluqdan və depresiyalardan azad edir, stresi azalıdr, nevrasteniya zamanı kömək edir.

Jenşen təbii tonuslaşdırıcı vasitədir - insanı daha gümrah və fəal edir, əqli yorğunluğunu azaldır, iş qabiliyyətini yaxşılaşdırır. Ürək-damar sisteminə olduqca müsbət təsir edir, ürək-damar sistemi xəstəliklərinin inkişafının qarşısını almağa kömək edir - ürəyin əzələsini qoruyur, arterial təzyiqi tənzimləyir, qanda xolesterinin səviyyəsini aşağı salır, damarlarda trombların əmələ gəlməsinin qarşısını alır.

Jenşen, həmçinin qanda şəkərin səviyyəsini aşağı salır. Bu möcüzəvi bitki mübadilə proseslərini yaxşılaşdırır, piylərin parçalanmasını sürətləndirir. Ona görə də  jenşen arıqlamaq üçün olan müxtəlif preparatların tərkibinə daxil edilir. Jenşenin kökü və yarpaqlarının dəmləməsi sağalmayan yaraların və xoraların müalicəsində effektivdir.