Ötən sutka ərzində Hindistanda COVID-19 infeksiyasına 78 min 357 yoluxma halı qeydə alınıb.

Aztibb.az Hindistanın Federal Səhiyyə Nazirliyinin açıqlamasına istinadla xəbər verir ki, ölkədə ümumi yoluxma hallarının sayı 3 milyon 769 min 524 nəfərə çatıb. Ötən sutka ərzində COVID-19 səbəbindən 1045 ölüm halı baş verib. Bununla da Hindistanda pandemiya qurbanlarının sayı 66 min 333-ə çatıb.

Səhiyyə Nazirliyi ölkədə koronavirusa yoluxanların 77 faizinin sağaldığını, 1,77 faizinin isə öldüyünü açıqlayıb. Gündəlik test yoxlaması 100 minə çatıb.

Qeyd edək ki, Hindistan COVID-19 virusuna yoluxanların və ölüm hallarının sayına görə ABŞ və Braziliyanın ardından üçüncü sıradadır. Ən pis vəziyyət Maharaştra, Andhra Pradeş, Karnataka, Tamil Nadu və Uttar Pradeş ştatlarındadır.