Çuğundur qan təzyiqini azaltmaqla yanaşı, qan damarlarının divarlarını və qaraciyəri gücləndirməyə, eyni zamanda da xərçəng xəstəliyi ilə mübarizədə də faydalı vasitədir.

Aztibb.az-ın məlumatına görə, alimlər apardıqları araşdırmanın nəticəsi olaraq bu qəanətə gəliblər ki, çuğundurun tərkibində olan betasianin piqmenti bədxassəli yenitörəmələrin inkişafını ləngidən güclü antioksidant təsirə malikdir. Onların sözlərinə görə, çuğundur bədəndən artıq mayenin çıxarılmasına da kömək edir.

Alimlər, həmçinin çuğundur şirəsinin də faydalı olduğunu bildirirlər. Onların sözlərinə görə, bu tərəvəzin şirəsi sıxıldıqdan iki saat sonra içilməlidir. Çuğundur şirəsinin üzərinə onun 1/4 nisbətində su əlavə edilməlidir.

İmmun sisteminin fəaliyyətini gücləndirən bu tərəvəz skleroz əleyhinə təsirə malikdir və hipertoniya zamanı ən yaxşı təbii müalicəvi vasitə sayılır.