İmmunitetin zəiflənməsinin səbəbi düzgün olmayan qidalanma ola bilər.

Aztibb.az xəbər verir ki, rusiyalı həkim-diyetoloq İrina Lizun immun sisteminə ziyan vuran qidalar haqqında məlumat verib. Onun sözlərinə görə, immun sisteminin 2 ən böyük düşməni şəkər və trans yağlardır.

“Şəkərin çoxlu miqdarda istehlakı bağırsaqların mikroflorasını pozur, mikroflora isə orqanizmin immun reaksiyalarını fəallaşdırır. Trans yağlar bitki yağlardan “kərə yağı”na oxşayan yağların hazırlanması nəticəsində əmələ gəlir. Trans yağlar yarımfabrikatlarda çoxdur və onlar da immun funksiyasına çox mənfi təsir edir” – həkim bildirib.

İrina Lizunun sözlərinə, tərkibində çoxlu miqdarda aromatizatorlar, boyaq maddələri, dadvericilər olan qidalar da immunitetin vəziyyətinə pis təsir edir.

Həkim-diyetoloq xəbərdarlıq edib ki, qidalanmada daim eyni məhsulların olması orqanizmdə vitamin, mineral və antioksidantların defisitini yaradır ki, bu da immuniteti zəiflədir.

“Qidalanmada yağ və karbohidratlarla zəngin olan eyni qidaların olması immun sistemi üçün çox ziyanlıdır”, - həkim əlavə edib.