Skolioz insanın onurğa deformasiyasıdır. Əyilmə anadangəlmə, sonradan yaranma və zədələnmədən sonra da ortaya çıxa bilər. Skoliozun xarakterik xüsusiyyəti onurğanın uşağın intensiv boyatma dövründə ciddi şəkildə deformasiyasıdır.
Aztibb.az xəbər verir ki, tanınmış reabilitoloq, fizioterapevt, idman zədələri üzrə mütəxəssis, osteopat Pərvin Əkbərov bu barədə məlumat paylaşıb.
Həkimin sözlərinə görə, patologiyanın ilk əlamətləri zamanı müalicəyə başlamaq vacibdir. Çünki bu dövrdə onurğa sütunu və digər bütün oynaqlar kifayət qədər yüksək hərəkət qabiliyyətinə malik olur:
"Onurğa sütununun əyilməsindən başqa, bu xəstəlik zamanı bədənin ümumi assimetriyası da qeydə alınır. Nəticədə isə döş qəfəsinin deformasiyası yaranır və nəticədə döş qəfəsi orqanları sıxılır".