Hesablama Palatası İcbari Tibbi Sığorta üzrə Dövlət Agentliyi və Ağdaş rayon Mərkəzi Xəstəxanasında audit aparır.

Aztibb.az xəbər verir ki, bunu Hesablama Palatasının sədri Vüqar Gülməmmədov bildirib.

V. Gülməmmədov bildirib ki, yoxlamaların bu ay bitməsi nəzərdə tutulub: “İcbari tibbi sığorta ilk olaraq pilot layihəsi kimi Mingəçevir, Yevlax və Ağdaşda həyata keçirilib. Biz Ağdaş rayon Mərkəzi Xəstəxanasını, yəni icbari tibbi sığortanın tətbiqi ilə bağlı ilkin rüşeym yaradılan xəstəxanalardan birini seçmişik. İcbari tibbi sığortanın tətbiqi, bu sistemin burada necə həyata keçirilməsi araşdırılacaq. Çünki icbari tibbi sığortanın tətbiqi və əhatə dairəsi növbəti illərdə genişlənməkdədir”.