Aztibb.az tibbi mənbələrə istinadla xəbər verir ki, xəstəlik uzun müddət ərzində inkişaf edir və əvvəllər qadına heç bir narahatlıq vermir. Kista böyüdükdə qadının süd vəzisində ağrılar, yanğı və qaşınma hissi əmələ gəlir. Belə xoşagəlməz simptomlar xüsusilə menstruasiyadan əvvəl və menstruasiya zamanı inkişaf edir. Menstruasiya qurtardıqdan sonra simptomlar da keçir. Bəzi kistalar zamanı döş giləsindən şəffaf, yaşıl və ya qanlı maye ifraz olunur.

 

Süd vəzi kistalarının əmələ gəlmə səbəbləri:

 

- stres, emosianal sarsıntılar;
- zehni və fiziki yüklənmə;
- artıq çəki;
- hormonal pozğunluqlar;
- menstrual siklin pozulması;
- hormonal preparatların qəbulu;
- zədə;
- ultrabənövşəyi şüaların təsiri.

 

Süd vəzi kistaları xərçəng deyil və əksər hallarda qadının sağlamlığına ciddi mənfi təsir etmir.

 

Vaxtında aşkar olunduqda süd vəzi kistaları və fibroadenomaları konservativ (dərmanla) müalicə oluna bilir. Ona görə hər bir xanım hər ay mütəmadi olaraq özü özünü yoxlamalı, 6 aydan bir USM müayinəsindən keçməlidir.