İngilis mütəxəssislər mağazada satılan sousların qanda şəkərin səviyyəsini kəskin artırdığını bildirib.

Aztibb.az Med2.ru-ya istinadən xəbər verir ki, qanda şəkər səviyyəsinin daima yüksək olmasına təsir edən səhv pəhriz diabetin inkişafında əsas amillərdən biridir.

Mütəxəssislər, yeməyə əlavə olunan hər hansı bir sousun maksimum iki qram karbohidrat ehtiva etməli olduğunu bildirir. Hazır məhsullar da isə karbohidrat daha çoxdur və bu da qan şəkərinin səviyyəsinin kəskin şəkildə artmasına səbəb olur.

Məsələn, dünyanın müxtəlif ölkələrində populyar olan ketçupun xüsusiyyətlərindən biri də yüksək dozada şəkərdir. Bu məhsul şəkərli diabet xəstələri tərəfindən istehlak edilməməlidir, sağlam insanlar isə yalnız orta miqdarda yeməlidir. Yeməklərə sous əlavə edilməsi onların ümumi kalorisini də artırır.

Mağazadan alınan sous, mayonez, barbekü souslar diyetoloqlar tərəfindən də arzuolunmaz qidalar adlandırılıb.