Çay sodası həm daxili, həm xarici istifadə üçün faydalıdır. Lakin hər bir dərman kimi onun da artıq dozası öldürücü ola bilər. Əgər düzgün istifadə etsəniz, o çox faydalı təsir göstərə bilər.

Aztibb.az Rusiya mətbuatına istinadən bildirir ki, dietoloq Artyom Leonov sodanın orqanizmə faydalarını açıqlayıb.

"O çox güclü qələviləşdirici effekt yaradır, orqanizmi təmizləyir, qanı oksigenlə zənginləşdirir. Soda ağciyərlərə yığılmış bərk bəlğəmi yumşaldır, boğazda, bronxlarda iltihabı götürür.

Bədənə skrab kimi çəkdikdə, vannaya əlavə etdikdə, dərin təmizləmə baş verir, dəri yumşalır, ölü toxumalar aradan qalxır. Amma nəzarətsiz və çox miqdarda soda qəbulu mədənin turşu balansını poza, böyrəklərdə daş yarada, selikli qişaları zədələyə bilər.

Ona görə soda az halda, çay qaşığının ucunda əvvəlcə suda söndürülərək, sonra bir stəkan ilıq suya əlavə edilib içilməlidir".