Bəzən qeyri-həkimlərin manual terapiya ilə məşğul olduqlarını görürük. Lakin nəzərə almaq lazımdır ki, hər bir insanın edə biləcəyi və edə bilməyəcəyi hərəkətlər var.

Aztibb.az xəbər verir ki, bunu Respublika Diaqnostika Mərkəzinin həkimi Ahmet Memiş 29 oktyabr - Ümumdünya İnsultla Mübarizə Gününə həsr edilmiş “Neyrovaskulyar çatışmazlıq: imkanlar və gələcək perspektivlər” mövzusunda onlayn elmi konfransda “Funksional-Topoqrafik Beyin-Damar Radiolojik Anatomiyası: patoloji korrelyasiya” mövzusunda çıxışı zamanı deyib. O, insanların özünün boynunu şaqqıldatmasının da mənfi nəticələrə, hətta iflicə gətirib çıxara biləcəyini vurğulayıb.

Həkimin sözlərinə görə, bütün hərəkətlər fizioloji səviyyə çərçivəsində edilməlidir. Bir insanın fizioloji olaraq edə biləcəyi hərəkətlərin xaricində, hansısa uşağın etdiyi hərəkətlərlə, 70 yaşında olan birinin etdiyi hərəkətlər arasında çox böyük fərqlər var:

“Uşaqların etdiyi gimnastik hərəkətləri yaşlı bir insan edərsə, o, iflic ola bilər. Həmçinin manual terapiya zamanı edilən sərt hərəkətlər vaskulyar zədələnmələrə səbəb ola bilər”.