Aztibb.az xəbər verir ki, həkim endokrinoloq Fərhad Burzu bu barədə məlumat paylaşıb.

 

Həkim bildirib ki, günlük 1 L bikarbonatlı su içən diabetli xəstələr və su içməyən postmenopauzal qadınların nəticəsi müqayisə olunduqda, maye qəbul edənlərdə qanda aclıq şəkərin səviyyəsi daha az müşahidə edilmişdir. Digər bir araşdırmada yüksək bikarbonatlı su istifadə edən insanlarda aclıq, qlükoza və insulin rezistentliyi əmsalının (HOMA-İR) daha aşağı olması müşahidə olunmuşdur:

 

"43 nəfər xroniki böyrək çatışmazlığı olan pasiyentin araşdırılması zamanı eynilə aclıq şəkərinin, insulin rezistentliyinin və HbA1C göstəricisinin ciddi olaraq azaldığı göstərilmişdir. Bu yaxşılaşma qandakı bikarbonatın səviyyəsi ilə deyil, asidozun (turşuluğun) normallaşması ilə əlaqədardır".

 

Həkim əlavə edib ki, maqneziumla bol olan (382 mg/sutka) suları istifadə edən pasiyentlərdə, xüsusilə insulin rezistentliyi və 2-ci tip diabetli xəstələrdə şəkərin azalması müşahidə olunmuşdur. Bütün bunları nəzərə alaraq, əsasən də diabetli pasiyentlərin maye qəbul etməsi adət halına çevrilməlidir. Minerallı sulardan daha çox istifadə etmək məqsədəuyğundur.