Qozlu-ballı suyun FAYDALARI

31.10.2021 00:28

Həkim-fitoterapevt Fizuli Hüseynov sosial şəbəkədə qozlu-ballı suyun faydalarına dair resept paylaşıb.

Aztibb.az həmin resepti təqdim edir:

Axşam yatmazdan əvvəl 1 stəkan çiy suya 2 ədəd qoz, 1 dolu çay qaşığı təmiz bal qarışdırıb, səhər yeməyindən ən azı 1 saat əvvəl şərbəti içib, qozları isə yemək lazımdır.

Bu təbii qarışım:

- Qan dövranını yaxşılaşdırır, əlləri ayaqları daim soyuq olanlar üçün faydalıdır.

- Səhər acqarına içilməsi və yeyilməsi bütün gün boyu insanın gümrah qalmasına səbəb olur.

- Davamlı içilməsi güclü immunitet əmələ gətirir.

- Qoz və bal beynimiz üçün əla bir qida vasitəsidir. Beyin qan dövranı, diqqət, yaddaş, baş ağrıları üçün faydalıdır. Buna səbəb qozun tərkbində olan Omeqa-3 və gümüşdür.

- Mədəaltı vəz iltihabı (xroniki pankreatit) xəstələri üçün faydalıdır, sadəcə belə xəstələr qarışımı yeməkdən 2 saat əvvəl içməlidirlər.

- Səhər acqarına içilməsi orqanizmi xərçəngdən qoruyur.

- Arıqlamaq istəyənlər üçün də faydalıdır, çünki piyləri əridir oksidləşmə, reduksiya prosesini artırır.

- Uzunmüddətli istifadədən sonra yüksək xolesterin normaya düşür.

- Yod çatışmazlığı (zob) xəstələri üçün əla bir vasitədir, gündən-günə yüksəlmiş TSH hormonunu normaya salır.

- Kista və miomadan əziyyət çəkənlər üçün faydalıdır.

- Tərkibindəki zəngin minerallar saç tökülməsinin qarşısını alır.

- Süd verən analar üçün faydalıdır, südü artırır.

- Üzunmüddətli istifadədən sonra saçlar qalınlaşır, dəri daha parlaq olur.

- Davamlı şəkildə içilməsi qanda yüksəlmiş sidik turşusunu aşağı salır, bununla da pəncə, daban və diz ağrılarını azaldır.

Fitoterapevt, həmçinin bildirib ki, qarışım məktəbli uşaqlar, imtahana hazırlaşan yeniyetmələr üçün olduqca faydalıdır. Həm orqanizmi vitamin, mineral və aminturşu ilə təmin edir, həm əsəb əleyhinə təsiri var, həm də qavramanı (əzbərləmə) artırır. Bu qarışım yüngül işlədici olduğundan babasili olanlar üçün də faydalıdır.

Qeyd etmək lazımdır ki, şəkər xəstələri və yüksək təzyiqdən əziyyət çəkənlər bal qarışdırmadan tək qozu suya qoyaraq içə bilərlər.

Eyni zamanda ballı-qozlu su:

- Qanazlığı olanlara müsbət təsir göstərir.

- Bu qarışım allergenlərə qarşı davamlılığı artırır. Zaman-zaman içilməsi allergiyanın aradan qalxmasına səbəb olur.

- Uzun zaman öskürəkdən əziyyət çəkənlər üçün xeyirlidir.