Həkimin sözlərinə görə, aorta anevrizması - müxtəlif səbəblərdən damarın deformasiyası və zəifləməsi nəticəsində damarın balonlaşmasıdır. Damar diametrinin 50% genişləndiyi hallarda aorta anevrizmasını qeyd etmək olar. Aorta anevrizması damarda artan təzyiq və partlama riski səbəbindən çox ciddi bir xəstəlikdir.

 

Aortanın genişlənməsində irsi və qazanılmış faktorlar rol oynayır. Bu səbəbləri aşağıdakı kimi sıralamaq olar:

 

- Siqaret;

- Diabet;

- Yüksək xolesterol;

 -Yüksək təzyiq;

- Arteriya divarının sərtləşməsi;

- Yaralanma və ya infeksiyalar da aorta divarını zəiflədə bilər və anevrizmaya səbəb ola bilər.

 

"Anevrizma nisbəti aşağı olan xəstələrdə müxtəlif skrininq üsulları ilə xəstə periodik olaraq izlənilir. Böyük anevrizması olan xəstələrdə endovaskulyar müalicə üsulları və digər cərrahi üsullar tətbiq edilir. Aorta anevrizması olan xəstələrin yaşı, çəkisi və anevrizmanın ölçüsü tətbiq olunacaq müalicəni təyin edən amillərdir", - deyə həkim əlavə edib.