Cənubi koreyalı alimlər yeni növ koronavirus infeksiyasının uşaqların orqanizmində nə qədər müddət qaldığını tədqiq ediblər.

CNN-in verdiyi xəbərdə bildirilir ki, alimlərin fikrincə, COVID-19 uşaqların orqanizmində bir neçə həftə qala bilər. Virus əsasən onların burun və boğaz nahiyələrində müşahidə olunur. Bu hal heç bir simptom olmadan da özünü göstərə bilər. Bununla da uşaqlar COVID-19-u asanlıqla digər insanlara ötürə bilirlər.

Bundan başqa, tədqiqatlar zamanı yetkinlik yaşına çatmış insanların 40%-nin virusun simptomsuz daşıyıcıları olduğu öyrənilib.