Yeni doğulan körpənin dərisi yumşaq və həssasdır. Körpəni yuyundurarkən onun xüsusi vannası olmalıdır. Dəriyə qulluq və duş körpənin sağlam dərisinin olmasına kömək edəcək. 

Aztibb.az xəbər verir ki, həkim-pediatr Günay Rəsulova bu barədə maarifləndirici məlumat paylaşıb. O, deyib ki, göbəyi düşəndən sonra körpə dərisinə tez-tez edilən vannalar dəriyə qulluqda çox faydalıdır.

Həkimin sözlərinə görə, körpə dərisi qurumağa, qabıqlanmağa meylli olduğu üçün də daim nəmləndirmə, xüsusilə də çiməndən sonra nəmləndirici krem istifadəsi olduqca vacibdir.