Diyetoloq Anna Korobkina çox qidalanmalarına baxmayaraq bəzi insanların arıq qalmasının səbəblərini açıqlayıb.

Aztibb.az medikforum.ru-ya istinadən xəbər verir ki, ekspert bildirib ki, piy ləngimələrində əsas faktor hər şeydən əvvəl genetik amillərlə bağlıdır.

"Hələ dölün formalaşması mərhələsində piy hüceyrələrinin müəyyən miqdarının təməli qoyulur. Onların sayına ananın hamiləlikdə olan, eləcə də uşağın erkən dövrlərdə qida vərdişləri təsir edə bilər. Lakin uşaqlıqda hüceyrələrin sayı əhəmiyyətsiz dərəcədə artır", - o, izah edib.

Bununla yanaşı, böyük yaşda da piy hüceyrələrinin miqdarı dəyişmir, lakin onların həcmi böyüyür. Bunun səbəbi ona sərf edilən və xərclənən kalorilərdəki fərqlə bağlıdır. Bu səbəbdən, aktiv həyat tərzi keçirən insanlar çəkinin artmasına daha az meyillidir. Həm də bu halda, hətta genetik meyil xüsusi rol oynamır.

Bundan başqa, mütəxəssis qamətin saxlanılması məsələsində hormonal balansın əhəmiyyətini də vurğulayıb. Bir çox hallarda bədən çəkisinin azalmasında testosteronun səviyyəsi kömək göstərir.