Koronavirus pandemiyasının biznes sektoruna mənfi təsirləri -Sahibkar rəyi
31.08.2020 12:43

Azərbaycanda Sosial Tədqiqatlar Mərkəzi tərəfindən “Pandemiya ilə mübarizədə dövlətin antiböhran siyasəti” sahibkar rəyində" adlı ümumölkə (işğal olunmuş ərazilər və Naxçıvan MR istisna olmaqla) miqyaslı, 374 biznes subyektini əhatə edən sosioloji sorğu keçirilib.

 

Aztibb.az xəbər verir ki, sorğuya cəlb olunan sahibkarlara təqdim edilən e-anket (e-mail vasitəsilə) 41 modul tipli sualı özündə əks etdirib. Analitik hesabatdan çıxarış kimi, sahibkarlara ünvanlanmış “Koronavirus (COVID-19) pandemiyasının Sizin biznesə təsirini necə qiymətləndirirsiniz?” sualına ümumiləşdirilmiş rəy aşağıdakı kimidir.

 

Digər tərəfdən sorğu çərçivəsində sahibkarlara ünvanlanan “Sizcə Koronavirus pandemiyasından ən çox zərər çəkmiş biznes sektoru hansıdır?” sualına verilən cavabların təhlili kimi aşağıdakı ilkin nəticələr hasil edilmişdir.

 

Məhz bu istiqamətdə beynəlxalq miqyasda həyata keçirilən tədqiqatlardan çıxış edərək nəticələrin qlobal tendensiyalara adekvatlığı müşahidə edə bilərik. “Ernst & Young” şirkəti tərəfindən 46 ölkədə iqtisadiyyatın 14 sektoru üzrə 2900-dən artıq müəssisə rəhbəri (sahibkar) arasında keçirilən rəy sorğusu nəticələrinə görə turizm və aviasiya, restoran-kafe kafe xidmətləri sahəsi sahibkar rəyində pandemiyadan ən çox təsirlənən, ərzaq sektoru və maliyyə-sığorta xidmətləri isə ən az təsirlənən sahə kimi müəyyən olunub.

 

Digər tərəfdən Sosial Tədqiqatlar Mərkəzi tərəfindən aparılan sorğunun birinci mərhələsində iştirak edən sahibkarların 43.2%-i dövlət tərəfindən sərtləşdirilmiş karantin rejimi ilə əlaqədar əməliyyatları dayandırdıqlarını, 47.2%-i isə aşağı həcmdə əməliyyatlar həyata keçirdiyini bildirib. Sorğu iştirakçılarının sadəcə 9.6%-i fəaliyyətinə tam gücü ilə davam etdiyini bəyan edib.

 

Eləcə də, diqqət çəkən məqam kimi, rəyi öyrənilən sahibkarların 78.4%-i COVID-19 pandemiyasının təsirinin minimuma endirilməsi məqsədilə dövlətin KOB-lara dəstək siyasəti və tədbirləri barədə məlumatlı olduğunu, 21.6%-i isə bu istiqamətdəki tədbirlərdən məlumatsız olduqlarını qeyd ediblər.

 

Qeyd edək ki, təqdim edilən sorğu nəticələri aprel-iyul ayları əhatə etməklə KOB-ları təmsil edən sahibkar rəylərinə əsaslanır. Analitik hesabatın Mərkəz tərəfindən yaxın gələcəkdə geniş ictimaiyyətə təqdim edilməsi planlaşdırılır.

ÇOX OXUNANLAR