Ürək dayanması istənilən yaşda qəfildən baş verə bilən hadisədir.

Aztibb.az medikforum.ru-ya istinadla xəbər verir ki, ürək dayanması insan həyatını risk altına alan geniş yayılmış ürək patologiyalardan biri hesab edilir. O, elektrik impulslarının dəyişmiş rejimi nəticəsində ürək döyüntüsünün qəfildən dayanması ilə səciyyələnir. Ürək döyüntüsü gözlənilmədən qeyri-müntəzəm olur, aritmiya yaranır və ürək dayanır. Bundan sonra o, fəaliyyətini tamamilə dayandırır.

Xəbərdarlıq edən əlamətlər. Kardioloqlar ürək dayanmasının iki əsas əlamətinə diqqət yetirirlər: şüurun itməsi və sinədə daimi ağrının baş verməsi.

Əgər insan şüurunu qəflətən itirirsə, bu təhlükəli aritmiyaya - ürək dayanmazdan əvvəl yaranan çox sürətli və ya çox yavaş ürək döyüntüsünə işarə edə bilər.

Xüsusilə sakitlik şəraitində sinədə ağrının yaranması zamanı operativ EKQ müayinədən keçmək lazımdır: bu, mümkün ürək dayanması ilə nəticələnə bilən pozuntunu aşkar etməyə imkan verir.

Ürək dayanmasının gənc yaşda baş verməsinin səbəbləri genetik pozuntularla izah oluna bilər. İnsanda ürəkdə elektrik impulslarında nasazlıq yaratmağa qadir gen qüsuru ola bilər.

Daha bir mümkün səbəb idmançıların tez-tez əziyyət çəkdiyi ürək genişlənməsi ilə bağlı ola bilər.