- Oynaqlarda degenerativ proseslər: artroz, artrit, radikulit, osteomielit və s;

- Su-duz mübadiləsinin pozulması və ayaqlarda yaratdığı ödemlərin nəticəsi: ürək, böyrək, qaraciyər xəstəlikləri və s;

- Damar xəstəlikləri: ateroskleroz (daralması), varikoz xəstəliyi (genəlmesi), trombozu (trombla-qan kütləsi ilə tutulması);

- Neyropatiya (diabetik və radikulopatik), yəni şəkərin və ya bel problemlərinin sinir zədələnməsi;

- Yastıpəncəlik.

 

Səbəbindən asılı olaraq ağrıların xarakteri də müxtəlifdir. Məsələn, oynaq ağrıları kəskin, demək olar ki daimidir və müvafiq oynaq nahiyəsində (diz, bud, topuq oynaqları) olur. Bel problemlərinin sinir zədələnməsində bir və ya hər 2 ayağa verir, ayağın arxa tərəfi ilə barmaqların ucuna kimi çata bilir.

 

Diabetik mənşəli sinir zədələnmələrində: kəskin, yandırıcı, kəsici və səthi olur (pəncə baldırdan, baldır buddan çox ağrıyır).

 

Aterosklerozda (damar daralmasında əksinə baldır və bud pəncələrdən daha çox ağrıyır, ağrılar dərin xarakterlidir, hərəkət zamanı artır (fasiləli axsama). Varikoz xəstələrində (damar genişlənməsində) ağrı əksər hallarda baldır nahiyəsində axşama yaxın daha da artan, səhərlər çəkilən xarakterdədir.

 

Göründüyü kimi ağrıların səbəbləri müxtəlifdir, ona görə də öncə terapevtin baxışı önəmlidir. İnteqrativ tibbdə xəstəliyin etiopatogenezinə təsir etməklə müalicə effekti əldə etmək mümkündür.