Geriatr Nataliya Şaraşkina yaşlı insanların tez-tez üşüməsinin səbəbləri və bundan qorunmaq üsullarını açıqlayıb.

Aztibb.az medikforum.ru-ya istinadən xəbər verir ki, mütəxəssis insanda istiliyin tənzimlənməsinə orqanizmin bir çox mexanizmlərinin məsul olduğunu bildirib. Yaş artdıqca bu mexanizmlər zəifləyir və buna görə də yaşlılarda daimi üşümə hissi yaranır. Xüsusilə, dəri daha incə olur, əzələ və yağ kütləsi enir, saç tellərinin sayı azalır, həmçinin damarların fəaliyyəti pozulur.

"Risk qrupunda aşağı bədən kütləsinə, dəri örtüyü və əzələlərin pis vəziyyətinə malik, qidalanması zəif olan, aşağı hərəkət fəallığı, bir çox xroniki xəstəlikləri olan yaşlı insanlar daxildir", - ekspert xəbərdarlıq edib.

Həkim problemin öhdəsindən gəlmək üçün rasionu nizama salmağı məsləhət görür, çünki məhz mübadilə prosesləri temperaturun normallaşmasına təsir edir. Bundan başqa, fiziki və sosial fəaliyyətləri əhatə edən aktiv həyat tərzi sürmək əhəmiyyətlidir.

Xroniki xəstəliklərə nəzarət və onların profilaktikası üçün mütəmadi həkim müayinəsində olmaq da vacibdir.