Uşaqlarda limfa düyünü böyüməsi zamanı bəzən düyünün üzərinə spirt, yod, isti komperslər, kamfora yağı və s. çəkirlər. Bu, səhv bir addımdır və yolverilməzdir.

Aztibb.az xəbər verir ki, həkim-pediatr Günay Rəsulova bildirib ki, qeyd olunan müdaxilələr vəziyyəti daha da ağırlaşdıra bilər. Uşaqlarda düyünlər əsas etibarilə reaktiv şəkildə, altda yatan onkoloji xəstəlik olmadan böyüyür. Lakin əlbəttə ki, limfa düyünü böyümüş hər bir uşağı mütləq həkim müayinə etməli, ciddi problemin olmadığını təsdiqləməlidir:

"Ehtiyac olarsa, biopsiya təyin olunmalıdır. Biopsinin nəticələrinə görə, düyün xoşxassəlidirsə, o, bədxassəliyə çevrilmir", - deyə həkim əlavə edib.