Yaxın zamanlarda qışın yaxınlaşması ilə əlaqədar, payız aylarında orqanizmi lazımi vitamin və mikroelementlərlə təmin etmək vacibdir.
Payız fəslinin, bütün qış ərzində sizi enerji ilə təmin edə biləcəyi bir çox energetik meyvə və tərəvəzləri vardır.
Aztibb.az onlardan ən faydalı olanlarını sizə təqdim edir:
1. Balqabaq - tərkibində dəmirin çoxluğuna əsasən tərəvəzlər arasında lider olan bu məhsul, B, C, E, D, PP vitaminləri, həmçinin orqanizmdə mübadilə prosesslərinə təsir edən çox nadir T vitamini ilə zəngindir. Balqabaq, pektin telləri sayəsində orqanizmdən artıq xolesterini, toksin və şlakları çıxarma gücünə malikdir.
2. Alma - payız aylarında tez-tez rast gəlinən, halsızlıq, anemiya və ürək damar xəstəlikləri zamanı köməyimizə çatır. Alma dərini sağlamlaşdırır, həzmə kömək edir və görmə qabiliyyətini yaxşılaşdırır.
3. Çuğundur - selülloz, dəmir, maqniy, mis, fosfor və C vitamini ilə zəngindir. Tərkibində orqanizmi enerji ilə təmin edən xeyli miqdarda karbohidratların olmasına baxmayaraq, az kalorili sayılır.
4. Kök - karotinin bir nömrəli mənbəyidir. Bu məhsul, qanı təmizləyir, orqanizmdən toksin və ziyanlı maddələri çıxarır, maddələr mübadiləsini normallaşdırır, həmçinin bütün daxili orqanların aktivliyini artırır.
5. Üzüm - güclü antioksidant. O, miqrenlə mübarizədə çox kömək edir, üzüm şirəsi isə orqanizmi bir anda enerji ilə təmin edən təbii energetik içki sayılır.
6. Gavalı - hipertoniyanın ən yaxşı dərmanıdır. Bu meyvə kəllədaxili qan dövranını yaxşılaşdıraraq baş ağrılarının qarşısını alır.
7. Göbələk - tərkibində zülalın miqdarına görə lider sayılır. Aterosklerozun və orqanizmdə xolesterinin yığılmasının qarşısına almağa kömək edir .
8. Moruq - orqanik turşular, efir yağları və vitaminlər mənbəyidir. Giləmeyvə kapilyarları möhkəmləndirir və iltihab xəstəlikləri ilə mübarizədə kömək edir.
9. Armud - təbii enerji mənbəyi. Yorğunluq və depressiya ilə mübarizədə kömək edir. Tərkibi çoxlu sayda bioaktiv maddələrlə zəngindir.
10. Kələm - bitki zülalı və vitaminlərlə zəngindir. Selüllozun olması isə onun orqanizmdən şlak və xolesterinin çıxarmasını təmin edir.
Tutqun hava qəmginlik, halsızlıq və depressiya üçün əsas deyil. Sadaladığımız meyvə və tərəvəzlər bu kimi problemlərlə mübarizə üçün yaxşı üsullardır. Rasionunuza bu məhsulları əlavə etməklə siz orqanizminizi vitamin, mikro və makroelemetlərlə təmin etmiş olacaqsınız. Bu isə həm sağlamlıq, həm də əhval-ruhiyyə baxımından çox əhəmiyyətlidir.