Balanslı pəhriz və nizamlı məşqlər ürəyin sağlam olması üçün vacibdir. Bununla bərabər, bəzi vərdişlər ürəyin işinə mənfi təsir edə bilər.

Aztibb.az xəbər verir ki, bu gündəlik vərdişlərdən xilas olmaq qaçılmaz görünsə də, ciddi fəsadları ortaya çıxa bilər.

Passiv həyat tərzi

Kompüter masasının başında, ofisdə monoton iş, evdə oxşar şəraitdə işləmək müasir həyat tərzinin reallıqlarıdır. Bəzən gərgin iş günündən sonra taqət qalmır. Tədqiqatın nəticələrinə görə, oturaq həyat tərzi ürək çatışmazlığı riskini ikiqat artırır.

Ayağa qalxın və hər saat ən az beş dəqiqə gəzin. Bu sadə texnika qan axınını normallaşdıracaq və damarların elastik qalmasını təmin edəcək.

Stress

Gərgin vəziyyətlərdə və stress vaxtı bədəndə adrenalin ifraz olunur, nəbz sürətlənir və bəzən qan təzyiqi yüksəlir. Təəccüblü deyil ki, bir çox xəstəliyin kökündə stress dayanır. Zamanla bu vəziyyət infarkt və insult riskini artıra, həmçinin ürək damarlarına zərər verə bilər.

Duzlu qidalar

Həddindən artıq natrium ürək xəstəlikləri üçün risk faktoru olan təzyiqi artırır. Bir çox qidalarda həddindən artıq miqdarda duz var və bu, ilk baxışdan həmişə aydın olmur. Konservləşdirilmiş tərəvəz və şorbalar, müxtəlif dondurulmuş yeməklər daha çox duz ehtiva edir.

Yuxusuzluq

Ürək bütün günü işləyir, yuxusuzluq isə ürək-damar sisteminin özünü bərpa etməsinə mane olur. Yuxunun birinci mərhələsində ürək döyüntüsü və qan təzyiqi aşağı düşür, ikinci fazada yenidən yüksəlir və düşür. Kifayət qədər yatmadıqda kortizol və adrenalin səviyyəsi bədəndə həmişə yüksək olacaq. Yetkinlərə gündə 7-8 saat, yeniyetmələrə isə 9-10 saat yatmaq tövsiyə olunur.