Məlumdur ki, bir çox qida məhsulları  düzgün qaydada bişmədikdə demək olar bütün vitaminlərini itirir.

Bu isə gündəlik olaraq qəbul etdiyimiz yeməklərin vitaminsiz olduğuna gətirib çıxarır. Nəzərə alsaq ki, bir çox insanlar gün ərzində təbii meyvə və tərəvəzləri yemirlər, o halda gün ərzində orqanizm lazımi vitamin və minerallardan məhrum olur. Bunun isə sağlamlıq üçün nə qədər təhlükəli olduğunu bilmək lazımdır. Sizə məhsullarda vitaminlərin necə qorunması haqqında bir neçə qaydanı təqdim edirik:

- Məhsulları qaranlıq və sərin yerdə saxlayın.

- Meyvə, tərəvəz və göyərtini uzun müddət suda saxlamayın.

- Məhsulları bişirmək üçün hazırladıqda günəş işığı altında saxlamayın.

- Öncədən məhsulları doğramayın, əti ətmaşınından yalnız bişirdiyiniz zaman çəkin.

- Ət və balığı falqaya bükərək sobada bişirdikdə onlarda daha çox vitamin saxlamış oluruq. Unutmayın mikrodalğalı soba xeyirli qidanın düşmənidir.

- Çalışın məhsulları qaynatmaq əvəzinə buxarda bişirin.

- Ətin buzunu soyuducunun aşağı bölməsində və ya otaqda açmağa çalışın, onu suya qoymayın.

- Paxlalı fəsiləsinə aid məhsulların bişdiyi su viatmin və minerallarla zəngin olduğundan onu atmayın, yeməkdə istifadə etməyə çalışın.

- Tərəvəzləri suda bişirdikdə, onları artıq qaynayan suyun içinə atın və qapağı bağlı saxlayın. Belə halda daha az vitamin itirmiş olurlar.

- Bişən yeməyi çox qarışdırmayın.

- Çalışın yeməkləri  az porsiyada, yalnız təzə- təzə bişirin. Bişirilən yeməyi çox saxlamayın.

Gün ərzində qida rasionunda mümkün qədər çox təbii meyvə və tərəvəzlərə üstünlük vermək məsləhət görülür.