"Qurd xəstəlikləri uşaqlarda qarın ağrısının əsas səbəbidir".

Aztibb.az xəbər verir ki, həkim-pediatr Günay Rəsulova "Uşağın qarnı ağrıyır. Bu, qurddan ola bilərmi?" sualına aydınlıq gətirib.

Pediatrın sözlərinə görə, qurdun  verdiyi qarın ağrısının öz xüsusiyyətləri var. Bu zaman ağrı çox şiddətli olmaya bilər. Lakin qarın ağrısı uşağı daim narahat edir, oyun oynadığı yerdə oyunundan ayrırısa, qarın ağrısı ilə bərabər uşaqda iştahsızlıq, yeməktən imtina, çəki almaqda ləngimə varsa, bu zaman qurd xəstəliklərindən şübhələnmək lazımdır:

"Bundan başqa, lyambliya zamanı da qarın ağrısı ola bilər. Lyambliya və digər ibtidai parazitar xəstəlikərin verdiyi qarın ağrısı "kramp" tərzində olur. Çox güclü, şiddətli sancı şəkilində olan, keçmək bilməyən, azalmayan, hətta ağrıkəsici tələb edən qarın ağrıları lyambliya ilə əlaqədar ola bilər".

Həkim əlavə edib ki, qeyd olunanlardan başqa, ağızdan su axma, diş qıcama, anal dəlik ətrafında qaşınmalar, ağızda qoxu, fiziki inkişafda geriləmə və s.  qurdun digər əlamətləri sırasındadır.