Antibakterial sabunlar mikrobların daxil olmasına mane olan "qoruyucu təbəqənin" əmələ gəlmələsini təmin edir. Adətən antibakterial sabunun tərkibində triklozan (duru sabunda) və ya triklokorban (adi sabunda) vardır. Hər iki komponent pis yuyulur və heç də zərərsiz deyil. Bu maddələrin təsiri ondan ibarətdir ki, o, fermentin işini dayandırır və bakteriyalara qarşı "qoruyucu təbəqə" yaradaraq onların məhv olmasına gətirir.
Aztibb.az xəbər verir ki, antibakterial preparatlar ziyanlı bakteriyalarla bərabər, dəriyə çəpər funksiyasını təmin edən xeyirli bakteriyaları da məhv edirlər. Bu isə onun həssaslığına gətirib çıxarır və göbələk problemi kimi xəstəliklərin yaranmasına səbəb olur. Bu sabunlarda olan komponentlər, hormonal dəyişikliklərə, həmçinin allergiyanın əmələ gəlməsinə də şərait yarada bilər. Onun immun sistemə təsiri də mənfidir.
Bu sabunlardan gündəlik deyil, yalnız müstəsna hallarda istifadə etmək məsləhət görülür:
- dərini kiçik cızıq, yara və zədələnmələrdən dezinfeksiya etmək üçün;
- ictimai yerlərdə olduqdan sonra (ictimai nəqliyyat, tualet);
- çirkli səthlə kontaktda olduqdan sonra (pilləkənin sürahisı, zibil qabının qapağı və s.);
- klinika və tibb müəsissələrindən gəldikdə;
- heyvanlar və xəstə insanlarla kontaktdan sonra.
Unutmayın ki, zamanla bakteriyalarda antibakterial sabunların komponentlərinə qarşı davamlılıq yaranır. Bu səbəbdən periodik olaraq istifadə etdiyiniz sabun markalarınız dəyişməyə çalışın.
Antibakterial sabunla yuduqda bəzi qaydalara əməl etmək zəruridir:
- bu sabunla yalnız əllərinizi yuyun, bədən və saçlar üçün yararsızdır;
- sabun köpüyü dəridə 20 saniyədən çox qalmamaldır;
- bu sabunu əllərdən uzunmüddətli yuyub təmizləmək lazımdır.