İnsanın ömrünün uzunluğu çoxlarının düşündüyündən daha uzun ola bilər. Yeni tədqiqat 130 il yaşamağın real olduğunu göstərib. Alimlər qeyd edirlər ki, nəzəri olaraq insanın ömrünün uzunluğunun hansısa bir məhdudiyyəti haqqında danışmaq doğru deyil.

Aztibb.az medikforum.ru-ya istinadla xəbər verir ki, "Royal Society Open Science" jurnalında dərc edilmiş tədqiqat 110 yaş sərhədinin öhdəsindən gəlmiş insanlar haqqında məlumatlara fokuslanıb. Adətən ölüm riski yaşla bərabər artır, lakin müəyyən sərhəddən sonra o platoya çatır.

"Ömrün 110 ilindən sonra bu şans 50 faizə çatır", - tədqiqata rəhbərlik etmiş İsveçrə Federal Texnologiya İnstitutunun professoru Entoni Devison bildirir. "Əgər şans sizin tərəfinizdə olsa, onda siz növbəti ad gününə qədər yaşayacaqsınız, olmazsa növbəti il ərzində hansısa bir anda öləcəksiniz", - deyə professor qeyd edib.

Cari tədqiqata əsasən, alimlər 130 il ömür sürməyin mümkün olduğunu iddia edirlər.