Aztibb.az xəbər verir ki, pediatr-neanotoloq Nurəngiz Hacıyeva sosial şəbəkədə bu barədə məlumat verib. Həkimin sözlərinə görə, valideynlər əl altına riskli - xırda əşyaları, qəpik, oyuncaq, batareya, fındıq, qoz, saqqız və s. qoymamalıdır. Döşəmə hər gün təmizlənməlidir:

 

"Yad cisim udulması zamanı onların növündən (maqnit, element, kiçik oyuncaqlar, yandırıcı maddələr, kiçik qidalar və s.) və hansı nahiyəyə təsir etməsindən (tənəffüs sistemi və həzm sistemi) asılı olaraq ağır hallar yarana bilər.

 

Pediatr qeyd edib ki, əslində bu hal hər bir valideynin başına gələ bilər. Odur ki, ana və atalar bu haqda məlumatlı olmalıdır.