Preseptal sellulit göz qapağı və göz ətrafı yumşaq toxumalarının iltihabıdır. Əsas səbəbləri sinuzit, həşarat dişləməsi, travma və infeksiyalardır.

Aztibb.az xəbər verir ki, bu barədə göz xəstəlikləri üzrə uzman cərrah Şahin Novruzlu məlumat verib. 

"Uşaqlarda daha çox rast gəlinməklə birlikdə daha şiddətli gedişata malikdir. Vaxtında müalicə olunmazsa ətraf toxumalara və beyinə yayılmaqla həyati təhlükəyə səbəb ola bilər", - deyə həkim qeyd edib. 

Onun sözlərinə görə, xəstəlik düzgün antibiotik müalicəyə yaxşı cavab verir, heç bir iz qalmadan sağalır.