Şərqi İngiltərə Universitetinin yeni tədqiqatına əsasən, daha çox meyvə və tərəvəz istifadə edən uşaqlar ən yaxşı psixi sağlamlığa malikdirlər.

Aztibb.az medikforum.ru-ya istinadən xəbər verir ki, tədqiqat "BMJ Nutrition, Prevention & Health" jurnalında dərc olunub.

Alimlər orta məktəb şagirdləri arasında böyük miqdarda meyvə və tərəvəzin istifadəsinin əhvalın yaxşılaşması ilə bağlılğını göstəriblər. Gündə meyvə və tərəvəzlərin beş və ya daha çox porsiyasını istehlak edən uşaqlar psixi sabitliyin ən yüksək göstəricilərinə malikdirlər.

Tədqiqat qrupu 50 məktəbdə 9000 uşağın məlumatlarını analiz edib. Tədqiqatda iştirak etmiş uşaqlar özləri öz pəhrizindən danışıblar. Həmçinin onların psixi sağlamlıqları sınaqdan keçirilib.

Alimlər qeyd edirlər ki, bütün uşaqlar arasında keyfiyyətli qidalanmanın mümkünlüyünü təmin etmək üçün ictimai səhiyyə strategiyaları və məktəb siyasətini hazırlamaq lazımdır. Bu, psixi sağlamlığı optimallaşdırmağa və uşaqlara öz potensialından tamamilə istifadə etməyə imkan verəcək.