"Avropa ölkələrində yoluxma halları artır. Azərbaycandakı hazırkı vəziyyət isə bizi sevindirir". 

Aztibb.az xəbər verir ki, bunu Operativ Qərargahın bu gün keçirilən brifinqdə TƏBİB İdarə Heyəti yanında tibbi-elmi komitənin sədri Akif Qurbanov deyib.

O, qeyd edib ki, bugünkü vəziyyət insanları arxayınlaşdırmamalıdır: “Ölkəmizdə yumşalma tədbirləri mərhələlər üzrə həyata keçirilir. Qarşıdan payız mövsümü gəlir. Qrip və ona bənzər xəstəliklərin sayı artır. Hazırkı qorunma digər xəstəliklərdən bizi qoruya bilər. Dövlət səviyyəsində mövsümü qrip əleyhinə vaksinlərin alınmasına hazırlıq gedir. Yaxın 1-2 ay ərzində bu vaksinlər ölkəyə gətiriləcək”.