Meteorizm (köpmə) bağırsaqlarda qazların miqdarının artmasıdır. O, bağırsaqlarda qıcqırma və onun çürüməsi ilə əmələ gəlir. Meteorizm zamanı bağırsaqlarda olan qazlar diafraqmanı sıxıb yuxarıya qaldırır. Bu zaman ürəyin və ağ ciyərlərin fəaliyyəti çətinləşir.

Aztibb.az xəbər verir ki, meteorizmin səbəbləri mexaniki və patoloji ola bilər:

Mexaniki səbəblər:

– qaz əmələ gətirən qidaların çox miqdarda qəbulu (paxlalılar, kələm, alma və s.);
-qıcqırmanı artıran qidaların qəbulu (qara çörək, turş tərəvəz və meyvələr və s.);
– qida zamanı çox miqdar maye qəbulu;
– uzun müddət yemək yeməyib, sonrasında çox miqdar qida qəbulu və s.

Patoloji səbəblər:

-disbakterioz;
– mədə-bağırsaq xəstəlikləri (kolit, qaraciyər sirrozu, pankreatit və s.);
– bağırsaq qurdları və parazitləri;
– sinir sistemi xəstəlikləri və s.

Köp zamanı diafraqma sıxıldığına görə, qan dövranı və tənəffüslə bağlı, diurez və defekasiya aktı ilə bağlı xəstələrdə ciddi çətinliklər yarana bilər.

Müayinə və doğru toplanmış anamnezdən sonra, pasiyentlerə pəhriz və müalicə təyin etmək məqsədəuyğundur.