D vitamini sümüklərin, dişlərin və əzələlərin sağlamlığının qorunub saxlanılması üçün zəruridir. İnsan orqanizmi D vitaminini adətən dəriyə günəş işığının nüfuz etməsi prosesində istehsal edir. Ancaq payızda və qışda ultrabənövşəyi şüalar kifayət etmir, ona görə də orqanizmin lazımi qədər D vitamini qəbul etməsini izləmək vacibdir. Alimlər bildirirlər ki, D vitamini çatışmazlığı uşaqlarda raxit xəstəliyinin, həmçinin sümüklərin və osteomalyasiya kimi ağrılı vəziyyət qüsurlarının inkişafına səbəb olur.

Aztibb.az medikforum.ru-ya istinadla xəbər verir ki, diyetoloq Cenna Houp D vitamini ilə zəngin qidaların adlarını açıqlayıb. O, payızda rasiona dörd əsas qida mənbəyini əlavə etməyi məsləhət görür.

Yağlı balıq. Qızılbalıq, skumbriya, siyənək, sardinyalar mükəmməl D vitamini təchizatçı olmaqla yanaşı, həmçinin ürək üçün faydalı olan omeqa-3 yağ turşuları və enerji verən zülallarla zəngindir.

Yumurta. Yumurta sarıları D vitamininin yüksək səviyyəsi ilə fərqlənir.

Göbələklər. Təbiətdə rast gəlinən bitki mənşəli yeganə D vitamini mənbəyidir. Göbələklər, həmçinin günəş işığının təsiri ilə bu vitamini istehsal edir.

Zənginləşdirilmiş məhsullar. Bəzi məhsullar D vitamininin əlavə dozası ilə zənginləşdirilib.