Aztibb.az xəbər verir ki, bu barədə endokrinoloq Fərhad Burzu məlumat verib. 

 

Həkimin sözlərinə görə, tədqiqata əsasən, vərəm riski qan şəkəri səviyyələrinə bağlıdır. F.Burzu qeyd edib ki, yalnız aclıq qlükozası pozulmuş şəxslər - qan şəkəri səviyyələri 100-125 mg/dL olan tək diabet diaqnozu olmayanlar - infeksiya baxımından yüksək risk altında deyillər.

 

"Aclıq şəkər göstəriciləri ən yüksək olanlar (202 mg/dL vəya daha yüksək) yeni başlanğıclı diabeti olanlar, daha aşağı qlükoza göstəriciləri (aclıq plazma qlükozası 126-128 mg/dL) olanlara görə 79% daha yüksək vərəm riskinə sahibdir. Aclıq şəkər göstəricisi 130 mg/dL'-nin üzərində olanlar da daxil diabetli xəstələrdə vərəm riski təxminən 2,2 dəfə daha artıq olduğu bildirilir. Ən uzun diabet anamnezi olan xəstələrdə piylənmə və xronik böyrək xəstəliyi, xronik obstruktiv ağciyər xəstəliyi, işemik koronar xəstəliyi və dislipidemiya kimi daha çox xəstəliklərin movcudluğu müşahidə olunur", - deyə həkim vurğulayıb.

 

F.Burzu əlavə edib ki, təxminən 8 illik araşdırma zamanı ümumilikdə 26.458 vərəm xəstəsinin (0.6%) məlumatları analiz olunub. Kişi diabetli xəstələrdə vərəmə yoluxma qadınlara nisbətən daha çox rastlanması müəyyən olunub. Tədqiqatçılar bu fenomenin testosteron səbəbli olmasını güman edirlər.