Əl və ayaqlardakı tikanbatmalar şübhəsiz bədəninizdəki hər hansı başqa xəstəlikdən xəbər verir. Bunun başında şəkərli diabet, B12 vitamini azlığı və tiroid pozğunluğu durur.

 

Aztibb.az xəbər verir ki, bu barədə nefroloq Barat Yusubov sosial şəbəkədə məlumat paylaşıb.

 

Həkim bildirib ki, əl və ayaqlarda keyimə çox vaxt bu sadaldığımız xəstəliklərin ilkin əlamətlərindən olur. Yəni, davamlı olan, bəzən şiddətlənən, bəzən yavaşlayan əl və ayaq keyimələri zamanı mütləq həkim müayinəsi aparılmalıdır.

 

Onun sözlərinə görə, ümumi olaraq əl və ayaqlardakı keyimə nevropatiya adlanan sinirlərin zədələnməsi ilə yaranan xəstəliklərdən qaynaqlanır. Bu da, genetik olaraq bəzi viruslara, immun sisteminin fərqli çalışmasına, şəkərli diabet, guatr, böyrək və ya qaraciyər çatışmamazlığı kimi xəstəliklərə, eləcə də B 12 vitamini, fol turşusu kimi bəzi maddələrin əksikliyi ilə bağlı yarana bilər.

 

"Diabet : Diabetin kontolsuz olması və başlama müddəti nevropatiya üçün çox vacib faktordur. Şəkərli diabetdə əl və ayaqda keyimə, ağrı tikanbatma kimi şikayətlər ön planda olur.

Tiroid pozğunluqları: Tiroid hormonunun səviyyəsindəki artma və ya azalma nevropatiyaya səbəb ola bilər. Burada da hormon səviyyəsinin uzun müddət pozulmuş halda qalması şikayətlərə səbəb olur.

Böyrək çatışmazlığı: Böyrək çatışmamazlığı nəticəsində qanda sinirlər üçün toksik olan bir miqdar maddələrin yığılması nəticəsində şikayətlər ortaya çıxır", - deyə Barat Yusubov əlavə edib