Bu gün dünyada bəzi xroniki xəstəliklər epidemiya şəklində geniş yayılıb. Bu xəstəliklərdən biri də böyrək çatışmazlığıdır. Hər hansı xəstəlik zamanı müalicənin uğuru bu xəstəliyin erkən zamanda təyin edilməsi ilə sıx bağlıdır.

 

Aztibb.az xəbər verir ki, nefroloq Barat Yusubov sosial şəbəkədə böyrək çatışmazlığın başlanğıc əlamətləri barədə məlumat paylaşıb.

 

Həkim bildirib ki, xroniki böyrək xəstəliyi təəssüf ki, irəli mərhələyə qədər hər hansı şikayətlə özünü göstərməyə də bilər. Lakin aşağıda sadalanan əlamətlərdən biri və ya bir neçəsi müşahidə olunursa, həmin insanda böyrək xəstəliyinin olmasından şübhə edilə bilər. Şikayətləri hiss edən şəxs ən qısa zamanda gərəkli müayinələrdən keçməlidir.

 

- Halsızlıq, tez yorulma, enerji itkisi

- Konsentrasiya pozulması

- İştahsızlıq

- Yuxu pozulması

- Gecələr müşahidə olunan əzələ spazmları

- Ayaqlarda şişkinlik, xüsusilə aşağı hissədə

- Gözətrafı şişkinlik, xüsusilə səhərlər 

- Dəridə quruluq və qaşınma

- Gecələr tez-tez sidiyə getmək