Uşaqların badamcıqları böyük ölçüdədirsə, bu, “artıq ət” sayılır?

Aztibb.az xəbər verir ki, həkim-pediatr Günay Rəsulova bu suala aydınlıq gətirib.

Həkimin sözlərinə görə, badamcıqlar immun orqandır və uşaq yaşlarında timus kimi badamcıqlar da immun müdafiə üçün böyük ölçüdə ola, 12-15 yaşa qədər kiçilə bilər:

"Əgər bu görünən böyük badamcıq uşağın tənəffüsündə problem yaratmırsa, tez-tez iltihablanıb anginaya səbəb olmursa (tez-tez dediyimiz, 1 ildə 7-8 dəfə, 2 il ard-arda hər il ən az 5 dəfə, 3 il, hər il ən az 3 dəfə), bu, “artıq ət” sayılmır, kəsdirmək qətiyyən lazım deyil. Belə görüntü tamamilə normal bir haldır, uşaq böyüdükcə bu tonzillər get-gedə balacalaşır".