Haşimoto xəstəliyi olan insanlar ömür boyu dərman qəbul etməlidirmi? - Endokrinoloq açıqladı
14.09.2021 15:37
Haşimoto qalxanabənzər vəzinin hormonal çatışmazlığı ilə müşayət olunduğu halda, qalxanabənzər vəzi hormonu müalicəsi təyin olunur.
 
Aztibb.az xəbər verir ki, endokrinoloq-dietoloq Mədinə Dilbazi aktual endokrinoloji problemlərdən biri hesab olunan Haşimoto xəstəliyi haqqında məlumat verib.
 
Həkimin sözlərinə görə, Haşimoto hər zaman hormonal çatışmazlıqla müşayət olunmur və bu zaman hormon təyin olunmur. Hormonal çatışmazlıq yaranarsa, vaxtında müalicəyə başlamaq üçün 6 ayda bir müayinədə tiroid vəzi dəyərləndirilir.
 
"Əksər hallarda müalicə, yəni hormonal terapiya ömürlük olur. Ancaq istisnalar var. Həkiminizlə məsləhətləşmədən tiroid hormonu qəbulunu özbaşına dayandırmayın. Bu, ciddi fəsadlarla nəticələnə bilər", - deyə həkim qeyd edib.