"Ürəyin pompaladığı qan birbaşa böyrəklərə gedir. Hər pompalamada 1,2-1,5 litr qan böyrəkdə budaqlanaraq incə qılcal damar yumağından süzülür. Ancaq ürək kifayət qədər qan pompalamadıqda, böyrəklər də öz funksiyasını normal yerinə yetirə bilmir, nəticədə böyrək çatışmazlığı yaranır".

Aztibb.az xəbər verir ki, bu barədə nefroloq Barat Yusubov məlumat verib.

Həkim qeyd edib ki, ürək-damar xəstəliklərinin müayinə və müalicəsində istifadə olunan balon, stent, angio kimi metodlar da böyrəyi çox yorur. Buna görə də müalicə zamanı multidissiplinar metodlar tətbiq olunur.

"Kardioloq və ürək-damar cərrahları bu kimi müalicələri tətbiq edərkən böyrəkləri qorumağa çalışırlar, çünki insan həyatı üçün önəmli olan ürək sağlamlığını qorumaq məqsədilə tətbiq olunan metodlar, böyrək çatışmazlığı səbəbi ilə insanın həyatını itirməsi ilə nəticələnə bilər", - deyə B.Yusubov qeyd edib.